CANZONE VIA CRUCIS

 

SETTE ISPADAS

     Pro fizu meu ispiradu a manos de su rigore   

  Sette Ispadas de dolore su coro mi hat trapassadu 

1. Truncadu porto su coro  

su pettus tengo fracciadu,

da cando mi han leadu 

su meu riccu tesoro,

cun tanta furia ch'ignoro

comente mi es'faltadu.

2. In breve ora l'hana mortu 

pustis chi l'han catturadu,

bindigh'oras est istadu

a sa rughe dae s'ortu 

cun sos colpos chi l'han dadu.

3. O vida mia accabada 

in sa menzus pizzinnia 

oh cun tegusu che ria 

morrere crucifigada; 

e a mie sa lanzada 

m'abelzerat su costadu.

4. Sette crudeles feridas 

sette fraccias penetrantes 

a innumerabiles vidas; 

miradelas tott' unidas 

in custu coro frecciadu.

5. Cumplid' hazis su disizu 

de lu ider gia defuntu 

puite como in d'unu puntu

non bocchides Mamma e Fizu?

Pro mi dare pius fastizu 

bia mi hazis lassadu.

6. Già chi es' mortu fizu meu 

accabade como a mie

e morza in d'unu die 

cun cuddu fizu de Deu;

crudele e duru giudeu 

ah cantu ses ostinadu!

7. Morte non mi lesses bia

morte no, non tardes piusu 

ca sende mortu Gesus 

non podet viver Maria,

unu fizu chi tenia 

sa vida mi 'han leadu.

8. Benide Anghelos, benide 

cun sos calighes in manu 

de su samben soberanu 

sos torrentes accoglide,

suspirade e pianghide 

cust' istragu lastimadu.

9. A mie toccat su dolu 

pro chi su mortu est su meu 

a mie toccat su teu, 

su piantu, su disconsolu; 

ca su coro meu solu, 

custa morte hat penetradu.

10. Niunu pianghet su Fizu 

si non s' affligida mama,

ispettende custa palma 

de su celeste consizu

piango sola cun fastizu 

custu turmentu subradu.